Jan Germs
Jan Germs (1954) is geboren in Oring (Odoorn) as tweide kind van veenkoloniaols protende pap en een mam van het zaand. Zölf prat e de taol van zien moe, maor zien vaodertaol vindt e netzogoed geweldig mooi.
Nao de legere schoel, MULO en HBS gung e in Emmen naor de pedagogische academie. Zowat zeuvenentwintig jaor hef Jan Germs in het basisunderwies veur de klas staon. In die hoedanigheid kreeg e vanzölf ok met meertaoligheid te maken. Der waren kinder die Drents en Nederlands preuten en nao de komst van een asielzukerscentrum kwamen der ok leerlingen met een thoestaol die ver van het Nederlands verwijderd was.
Op dit moment is Jan Germs al weer dik acht jaor streektaolfunctionaris. Hie is ok directeur van het Huus van de Taol.
Hie hef een koppelie boeken schreven in en over de Drentse taol:
- De sigaar, körte verhalen
- Moi! Taalgids Drenthe (samen met A.Darwinkel en H.Slot)
- De mooiste woorden van Drenthe
- Daphne - Het verhaal van het loze wichie, een novelle op en um een basisschoel
- Iemen met edik vangen, körte verhalen
- Vueltaol (samen met Anne Doornbos en Jan Veenstra)
Jan Germs is trouwd en de meer as gelukkige vaoder van twei wichter (24 en 17 jaor old) en een zeun (19 jaor). Hie woont in Gasselte.
Jan Germs treedt op donderdag 1 maart op in de bilbliotheek te Assen
samen met Margaretha Kleine
